도구

도구

라틴어 문장 검색

neque nunc id agere, ut ab illis abductum exercitum teneat ipse, quod tamen sibi difficile non sit, sed ne illi habeant, quo contra se uti possint.
(카이사르, 내란기, 1권 85:22)
Proinde, ut esset dictum, provinciis excederent exercitumque dimitterent;
(카이사르, 내란기, 1권 85:23)
Parte circiter tertia exercitus eo biduo dimissa duas legiones suas antecedere, reliquas subsequi iussit, ut non longo inter se spatio castra facerent, eique negotio Q.
(카이사르, 내란기, 1권 87:6)
Hoc eius praescripto ex Hispania ad Varum flumen est iter factum, atque ibi reliqua pars exercitus dimissa est.
(카이사르, 내란기, 1권 87:8)
cum hostes urbis direptione perterriti inermes cum infulis se porta foras universi proripiunt ad legatos atque exercitum supplices manus tendunt.
(카이사르, 내란기, 2권 11:11)
Ubi hostes ad legatos exercitumque pervenerunt, universi se ad pedes proiciunt;
(카이사르, 내란기, 2권 12:2)
Quod ubi hostes viderunt, ea, quae vix longinquo spatio refici non posse sperassent, paucorum dierum opera et labore ita refecta, ut nullus perfidiae neque eruptioni locus esset nec quicquam omnino relinqueretur, qua aut telis militibus aut igni operibus noceri posset, eodemque exemplo sentiunt totam urbem, qua sit aditus ab terra, muro turribusque circumiri posse, sic ut ipsis consistendi in suis munitionibus locus non esset, cum paene inaedificata muris ab exercitu nostro moenia viderentur ac telum manu coniceretur, suorumque tormentorum usum, quibus ipsi magna speravissent, spatio propinquitatis interire parique condicione ex muro ac turribus bellandi data se virtute nostris adaequare non posse intellegunt, ad easdem deditionis condiciones recurrunt.
(카이사르, 내란기, 2권 16:1)
Postea vero, cum Caesarem ad Massiliam detineri cognovit, copias Petreii cum exercitu Afranii esse coniunctas, magna auxilia convenisse, magna esse in spe atque exspectari et consentire omnem citeriorem provinciam, quaeque postea acciderant, de angustiis ad Ilerdam rei fumentariae, accepit, atque haec ad eum latius atque inflatius Afranius perscribebat, se quoque ad motus fortunae movere coepit.
(카이사르, 내란기, 2권 17:7)
Massilienses omnibus defessi malis, rei frumentariae ad summam inopiam adducti, bis navali proelio superati, crebris eruptionibus fusi, gravi etiam pestilentia conflictati ex diutina conclusione et mutatione victus (panico enim vetere atque hordeo corrupto omnes alebantur, quod ad huiusmodi casus antiquitus paratum in publicum contulerant) deiecta turri, labefacta magna parte muri, auxiliis provinciarum et exercituum desperatis, quos in Caesaris potestatem venisse cognoverant, sese dedere sine fraude constituunt.
(카이사르, 내란기, 2권 22:1)
ipse eodem cum exercitu proficiscitur biduique iter progressus ad flumen Bagradam pervenit.
(카이사르, 내란기, 2권 24:2)
Quae res omnium rerum copia complevit exercitum.
(카이사르, 내란기, 2권 25:10)
Erat in exercitu Vari Sextus Quintilius Varus, quem fuisse Corfinii supra demonstratum est.
(카이사르, 내란기, 2권 28:1)
Hac habita oratione nullam in partem ab exercitu Curionis fit significatio, atque ita suas uterque copias reducit.
(카이사르, 내란기, 2권 28:5)
Quasi non et felicitas rerum gestarum exercitus benevolentiam imperatoribus et res adversae odia colligant!
(카이사르, 내란기, 2권 31:5)
Castrorum autem mutatio quid habet nisi turpem fugam et desperationem omnium et alienationem exercitus?
(카이사르, 내란기, 2권 31:6)

LOGIN

로그인

회원가입

SEARCH

MENU NAVIGATION