도구

도구

라틴어 문장 검색

iam patriae meminisse piget, iam mystica frangunt organa et externi laudant anathemata regni.
(프루덴티우스, Hamartigenia, section 1118)
sed magis aligera est magis et medicata sagitta, quam iacit umbrosi dominatio lubrica mundi, eludens excussa oculos calamique volantis praepete transcursu cordis penetralia Agens, nec segnis natura animae est aut tarda cavendi vulneris, ignitum quoniam Deus indidit olli ingenium, purum, sapiens, subtile, serenum, mobile, sollicitum, velox, agitabile, acutum, factorem modo casta suum veneretur et ipsi militet ac victum proculcet sobria mundum, nil de pestiferis opibus aut falsificatis terrarum spoliis stulto oblectamine libans, ne sub fasce iacens alieno et dedita regno non queat argutas hostis vitare sagittas, sed quid ego omne malum mundique hominumque maligni hostis ad invidiam detorqueo, cum mala nostra ex nostris concreta animis genus et caput et vim, quid sint, quid valeant, sumant de corde parente?
(프루덴티우스, Hamartigenia, section 1136)
multa ut taceam, vel sola benignum res probat esse Deum, vetiti quod amore peremptos excitat e tumulis homines regnique per aevum participes iubet esse sui.
(프루덴티우스, Hamartigenia, section 1173)
Ruth dum per stipulas agresti amburitur aestu, fulcra Boos 1 meruit, castoque adscita cubili Christigenam fecunda domum, Davitica regna, edidit atque Deo mortales miscuit ortus, saepe egomet memini fratres geminos ad hiulcum pervenisse simul bivium nutante iuventa et dubitasse diu bifido sub tramite, quodnam esset iter melius;
(프루덴티우스, Hamartigenia, section 1213)
"o Christe, nomen 1 unicum, o splendor, o virtus Patris, o factor orbis et poli, atque auctor horum moenium, qui sceptra Romae in vertice rerum locasti, sanciens mundum Quirinali togae servire et armis cedere, ut discrepantum gentium mores et observantiam linguasque et ingenia et sacra unis domares legibus, en omne sub regnum Remi mortale concessit genus, idem loquuntur dissoni ritus, id ipsum sentiunt."
(프루덴티우스, Peristephanon Liber, Hymnus in honorem Passionis Laurentii Beatissimi Martyris.133)
non aliter pia virgo viam nocte secuta diem meruit nec tenebris adoperta fuit, regna Canopica cum fugeret et super astra pararet iter.
(프루덴티우스, Peristephanon Liber, Hymnus in honorem Passionis Eulaliae Beatissimae Martyris.12)
"norunt et ipsi ac sentiunt pollere Christum et vivere, eiusque iam iamque adfore regnum tremendum perfidis."
(프루덴티우스, Peristephanon Liber, Passio Sancti Vincenti Martyris.30)
qui cupit aeternum caeli conscendere regnum, huc veniat sitiens, ecce parata via est.
(프루덴티우스, Peristephanon Liber, De loco in quo Martyres passi sunt, nunc baptisterium est Calagurri.5)
"quid ante tempus adventu cito mea regna solvis?"
(프루덴티우스, Peristephanon Liber, Sancti Romani Martyris contra Gentiles Dicta.114)
"sescenta possum regna pridem condita proferre toto in orbe, si sit otium, multo ante clara quam capellam Gnosiam suxisse fertur Iuppiter, Martis pater, sed illa non sunt, haec et olim non erunt."
(프루덴티우스, Peristephanon Liber, Sancti Romani Martyris contra Gentiles Dicta.1251)
"dulcissime, et cum beatus regna Christi intraveris, memento matris, iam patrone ex filio."
(프루덴티우스, Peristephanon Liber, Sancti Romani Martyris contra Gentiles Dicta.1351)
desine flere bonum tantum, tenet ille regna caeli, nec minus involitat terris nec ab hoc recedit orbe:
(프루덴티우스, Peristephanon Liber, Passio Cypriani.41)
hoc sese ostentans habitu ventosa virago inter utramque aciem supereminet et phaleratum circumflectit equum, vultuque et voce minatur adversum spectans cuneum, quem milite raro et paupertinis ad bella coegerat armis Mens Humilis, regina quidem, sed egens alieni auxilii proprio nec sat confisa paratu, Spem sibi collegam coniunxerat, edita cuius et suspensa ab humo est opulentia divite regno, ergo Humilem postquam male sana Superbia Mentem vilibus instructam nullo ostentamine telis aspicit, in vocem dictis se effundit amaris:
(프루덴티우스, Psychomachia, section 149)
"quis locus in nostra tunc vobis sede dabatur, congenitis cum regna simul dicionibus aequo robore crescebant?"
(프루덴티우스, Psychomachia, section 156)
"me tunc ille puer virtutis pube secutus florentes animos sursum in mea regna tetendit, servatur quia certa mihi domus omnipotentis sub pedibus Domini, meque ad sublime vocantem victores caesa culparum labe capessunt."
(프루덴티우스, Psychomachia, section 179)

LOGIN

로그인

회원가입

SEARCH

MENU NAVIGATION