도구

도구

라틴어 문장 검색

tantumque fugae ac formidinis fuit ut ad quadraginta milia scutorum - nequaquam tot caesis - et signa militaria cum iis quae in castris capta erant ad centum septuaginta ad consulem deferrentur.
(티투스 리비우스, 로마 건국사, Liber VII 429:1)
haec agitata occultis coniurationibus necdum volgata in omnes consilia invenit novus consul C. Marcius Rutulus, cui Campania sorte provincia evenerat, Q. Servilio collega ad urbem relicto.
(티투스 리비우스, 로마 건국사, Liber VII 438:1)
itaque cum omnia ea, sicut gesta erant, per tribunos comperta haberet et aetate et usu doctus, quippe qui iam quartum consul esset dictatorque et censor fuisset, optimum ratus differendo spem quandocumque vellent consilii exsequendi militarem impetum frustrari, rumorem dissipat in iisdem oppidis et anno post praesidia hibernatura - divisa enim erant per Campaniae urbes, manaverantque a Capua consilia in exercitum omnem.
(티투스 리비우스, 로마 건국사, Liber VII 439:1)
consul educto in aestiva milite, dum quietos Samnites habebat, exercitum purgare missionibus turbulentorum hominum instituit, aliis emerita dicendo stipendia esse, alios graves iam aetate aut viribus parum validos.
(티투스 리비우스, 로마 건국사, Liber VII 441:1)
quam multitudinem consul alter Romae praetorque alias ex aliis fingendo moras retinebat.
(티투스 리비우스, 로마 건국사, Liber VII 443:1)
iam quaestiones, iam indicia, iam occulta singulorum supplicia impotensque et crudele consulum ac patrum in se regnum passuros.
(티투스 리비우스, 로마 건국사, Liber VII 445:1)
haec qui in castris erant occultis sermonibus serunt,nervos coniurationis electos arte consulis cernentes.
(티투스 리비우스, 로마 건국사, Liber VII 446:1)
cohors una, cum haud procul Anxure esset, ad Lautulas saltu angusto inter mare ac montes consedit ad excipiendos quos consul alis atque aliis, ut ante dictum est, causis mittebat.
(티투스 리비우스, 로마 건국사, Liber VII 447:1)
quod deos immortales inter nuncupanda vota expoposci, eius me compotem voti vos facere potestis, si meminisse voltis non vos in Samnio in Volscis, sed in Romano solo castra habere, si illos colles quos cernitis patriae vestrae esse, si hunc civium vestrorum, si me consulem vestrum, cuius ductu auspicioque priore anno bis legiones Samnitium fudistis, bis castra vi cepistis.
(티투스 리비우스, 로마 건국사, Liber VII 462:3)
si cui genus, si cui sua virtus, si cui etiam maiestas, si cui honores subdere spiritus potuerunt, iis eram natus, id specimen mei dederam, ea aetate consulatum adeptus eram, ut potuerim tres et viginti annos natus consul patribus quoque ferox esse non solum plebi.
(티투스 리비우스, 로마 건국사, Liber VII 465:1)
quod meum factum dictumve consulis gravius quam tribuni audistis?
(티투스 리비우스, 로마 건국사, Liber VII 466:1)
non enim illa modo Volscus aut Samnis sed Romanus verba fecit, vester consul, vester imperator, milites, cuius auspicia pro vobis experti nolite adversus vos velle experiri.
(티투스 리비우스, 로마 건국사, Liber VII 473:1)
item aliis plebi scitis cautum ne quis eundem magistratum intra decem annos caperet neu duos magistratus uno anno gereret utique liceret consules ambos plebeios creari.
(티투스 리비우스, 로마 건국사, Liber VII 486:1)
aliis annalibus proditum est neque dictatorem Valerium dictum sed per consules omnem rem actam, neque antequam Romam veniretur sed Romae eam multitudinem coniuratorum ad arma consternatam esse nec in T. Quincti villam sed in aedes C. Manli nocte impetum factum eumque a coniuratis comprehensum ut dux fieret;
(티투스 리비우스, 로마 건국사, Liber VII 487:1)
nec ab ducibus mentionem concordiae ortam sed repente, cum in aciem armati exercitus processissent, salutationem factam et permixtos dextras iungere ac complecti inter se lacrimantes milites coepisse coactosque consules, cum viderent aversos a dimicatione militum animos, rettulisse ad patres de concordia reconcilianda.
(티투스 리비우스, 로마 건국사, Liber VII 489:1)

LOGIN

로그인

회원가입

SEARCH

MENU NAVIGATION