도구

도구

라틴어 문장 검색

tum Saguntinorum legatos in senatum introduxit.
(티투스 리비우스, 로마 건국사, Liber XXVIII 566:1)
ob haec, quibus maiora nec sperare nec optare ab dis immortalibus poteramus, gratias actum nos decem legatos Saguntinus senatus populusque ad vos misit, simul gratulatum, quod ita res per hos annos in Hispania atque Italia gessistis ut Hispaniam non Hibero amne tenus, sed qua terrarum ultimas finit Oceanus, domitam armis habeatis, Italiae, nisi quatenus vallum castrorum cingit, nihil reliqueritis Poeno.
(티투스 리비우스, 로마 건국사, Liber XXVIII 578:1)
senatus legatis Saguntinis respondit et dirutum et restitutum Saguntum fidei socialis utrimque servatae documentum omnibus gentibus fore;
(티투스 리비우스, 로마 건국사, Liber XXVIII 582:1)
suos imperatores recte et ordine et ex voluntate senatus fecisse, quod Saguntum restituerint civesque Saguntinos servitio exemerint;
(티투스 리비우스, 로마 건국사, Liber XXVIII 583:1)
quaeque alia eis benigne fecerint, ea senatum ita voluisse fieri;
(티투스 리비우스, 로마 건국사, Liber XXVIII 583:2)
legationes deinde ceterae in senatum introductae auditaeque.
(티투스 리비우스, 로마 건국사, Liber XXVIII 585:1)
cum Africam novam provinciam extra sortem P. Scipioni destinari homines fama ferrent, et ipse nulla iam modica gloria contentus non ad gerendum modo bellum, sed ad finiendum diceret se consulem declaratum esse, neque aliter id fieri posse quam si ipse in Africam exercitum transportasset, et acturum se id per populum aperte ferret, si senatus adversaretur, - id consilium haudquaquam primoribus patrum cum placeret, ceteri per metum aut ambitionem mussarent,
(티투스 리비우스, 로마 건국사, Liber XXVIII 589:1)
ego autem primum illud ignoro, quem ad modum certa iam provincia Africa consulis, viri fortis ac strenui, sit, quam senatus censuit in hunc annum provinciam esse nec populus iussit.
(티투스 리비우스, 로마 건국사, Liber XXVIII 592:1)
deinde, si est, consulem peccare arbitror qui de re transacta simulando se referre senatum ludibrio habet, non senatorem qui de quo consulitur suo loco dicit sententiam.
(티투스 리비우스, 로마 건국사, Liber XXVIII 593:1)
me dictatorem, cum vigerem adhuc viribus et in cursu maximarum rerum essem, recusantem nemo aut in senatu aut apud populum audivit quo minus insectanti me magistro equitum, quod fando numquam ante auditum erat, imperium mecum aequaretur;
(티투스 리비우스, 로마 건국사, Liber XXVIII 598:1)
tu, cum Hannibal in Italia sit, relinquere Italiam paras, non quia rei publicae id utile, sed quia tibi amplum et gloriosum censes esse, sicut cum provincia et exercitu relicto sine lege, sine senatus consulto duabus navibus populi Romani imperator fortunam publicam et maiestatem imperii, quae tum in tuo capite periclitabantur, commisisti.
(티투스 리비우스, 로마 건국사, Liber XXVIII 641:3)
cum oratione ad tempus parata Fabius, tum auctoritate et inveterata prudentiae fama magnam partem senatus et seniores maxime cum movisset, pluresque consilium senis quam animum adulescentis ferocem laudarent, Scipio ita locutus fertur:
(티투스 리비우스, 로마 건국사, Liber XXVIII 645:1)
Minus aequis animis auditus est Scipio, quia volgatum erat, si apud senatum non obtinuisset ut provincia Africa sibi decerneretur, ad populum extemplo laturum.
(티투스 리비우스, 로마 건국사, Liber XXVIII 686:1)
itaque Q. Fulvius, qui consul quater et censor fuerat, postulavit a consule ut palam in senatu diceret permitteretne patribus ut de provinciis decernerent, staturusque eo esset quod censuissent, an ad populum laturus.
(티투스 리비우스, 로마 건국사, Liber XXVIII 687:1)
non ego ignarus quid responsurus facturusve esses quaesivi, quippe cum prae te feras temptare te magis quam consulere senatum, et ni provinciam tibi quam volueris extemplo decernamus, paratam rogationem habeas.
(티투스 리비우스, 로마 건국사, Liber XXVIII 689:1)

LOGIN

로그인

회원가입

SEARCH

MENU NAVIGATION