도구

도구

라틴어 문장 검색

et cum in omnes more militari se animadversurum Q. Sulpicius tribunus militum pronuntiasset, consentiente clamore militum in unum vigilem conicientium culpam deterritus, a ceteris abstinuit, reum haud dubium eius noxae adprobantibus cunctis de saxo deiecit.
(티투스 리비우스, 로마 건국사, Liber V 508:2)
sextiles, duplici clade insignem, quo die ad Cremeram Fabii caesi, quo deinde ad Alliam cum exitio urbis foede pugnatum, a posteriore clade Alliensem appellarunt reique nullius publice privatimque agendae fecerunt.
(티투스 리비우스, 로마 건국사, Liber VI 11:2)
quod ubi est factum, primo commota plebs est, utique postquam sordidatum reum viderunt nec cum eo non modo patrum quemquam sed ne cognatos quidem aut adfines, postremo ne fratres quidem A. et T. Manlios, quod ad eum diem nunquam usu venisset, ut in tanto discrimine non et proximi vestem mutarent:
(티투스 리비우스, 로마 건국사, Liber VI 206:2)
cum dies venit, quae praeter coetus multitudinis seditiosasque voces et largitionem et fallax indicium pertinentia proprie ad regni crimen ab accusatoribus obiecta sint reo, apud neminem auctorem invenio;
(티투스 리비우스, 로마 건국사, Liber VI 209:1)
in campo Martio cum centuriatim populus citaretur et reus ad Capitolium manus tendens ab hominibus ad deos preces avertisset, apparuit tribunis, nisi oculos quoque hominum liberassent tanti memoria decoris, nunquam fore in praeoccupatis beneficio animis vero crimini locum.
(티투스 리비우스, 로마 건국사, Liber VI 215:1)
adiutor ex tribunis sorte L. Furius datur, non tam e re publica quam ut collegae materia ad omnem laudem esset et publice, quod rem temeritate eius prolapsam restituit et privatim, quod ex errore gratiam potius eius sibi quam suam gloriam petiit.
(티투스 리비우스, 로마 건국사, Liber VI 236:2)
nonum se annum iam velut in acie adversus optimates maximo privatim periculo, nullo publice emolumento stare.
(티투스 리비우스, 로마 건국사, Liber VI 415:1)
sin quod cuique privatim opus sit id modo accipi velint, opus esse nihil invidiosa continuatione honoris;
(티투스 리비우스, 로마 건국사, Liber VI 421:1)
nobis adeo propria sunt auspicia ut non solum quos populus creat patricios magistratus non aliter quam auspicato creet, sed nos quoque ipsi sine suffragio populi auspicato interregem prodamus et privatim auspicia habeamus, quae isti ne in magistratibus quidem habent.
(티투스 리비우스, 로마 건국사, Liber VI 447:1)
sibi se privatim nihil cavere;
(티투스 리비우스, 로마 건국사, Liber VII 478:1)
nam neque facile fuisse id vitium nosci, cum consul oriens de nocte silentio diceret dictatorem, neque ab consule cuiquam publice privatimve de ea re scriptum esse nec quemquam mortalium exstare qui se vidisse aut audisse quid dicat quod auspicium dirimeret, neque augures divinare Romae sedentes potuisse quid in castris consuli vitii obvenisset;
(티투스 리비우스, 로마 건국사, Liber VIII 334:2)
sibi privatim nec pacisci quicquam nec petere;
(티투스 리비우스, 로마 건국사, Liber VIII 367:2)
ipsos adeo dictatorem magistrumque equitum reos magis quam quaesitores idoneos eius criminis esse intellecturosque ita id esse, simul magistratu abissent.
(티투스 리비우스, 로마 건국사, Liber IX 373:1)
alter consul Fabius infestus privatim Papirio erat;
(티투스 리비우스, 로마 건국사, Liber IX 542:1)
equidem - pace dixerim deum - eos nos iam populi Romani beneficio esse spero, qui sacerdotiis non minus reddamus dignatione nostra honoris acceperimus et deorum inagis quam nostra causa expetamus ut quos privatim colimus publice colamus.
(티투스 리비우스, 로마 건국사, Liber X 88:1)

LOGIN

로그인

회원가입

SEARCH

MENU NAVIGATION