라틴어 문장 검색

Saevitum tamen in bona, non ut stipendiariis pecuniae redderentur, quorum nemo repetebat, sed liberalitas Augusti avulsa, computatis singillatim quae fisco petebantur.
(코르넬리우스 타키투스, 연대기, LIBER IV, 20장1)
iamque tres laureatae in urbe statuae et adhuc raptabat Africam Tacfarinas, auctus Maurorum auxiliis qui, Ptolemaeo Iubae filio iuventa incurioso, libertos regios et servilia imperia bello mutaverant.
(코르넬리우스 타키투스, 연대기, LIBER IV, 23장3)
adsimulabatque iudicis partis adversum Germanici stirpem, subditis qui accusatorum nomina sustinerent maximeque insectarentur Neronem proximum successioni et, quamquam modesta iuventa, plerumque tamen quid in praesentiarum conduceret oblitum, dum a libertis et clientibus, apiscendae potentiae properis, extimulatur ut erectum et fidentem animi ostenderet:
(코르넬리우스 타키투스, 연대기, LIBER IV, 59장7)
Sed Caesar sollemnia incipientis anni kalendis Ianuariis epistula precatus vertit in Sabinum, corruptos quosdam libertorum et petitum se arguens, ultionemque haud obscure poscebat.
(코르넬리우스 타키투스, 연대기, LIBER IV, 70장1)
et erat iuvenis haud dispari aetate, quibusdam Caesaris libertis velut adgnitus;
(코르넬리우스 타키투스, 연대기, LIBER VI, 10장2)
At Romae principio anni, quasi recens cognitis Liviae flagitiis ac non pridem etiam punitis, atroces sententiae dicebantur in effigies quoque ac memoriam eius et bona Seiani ablata aerario ut in fiscum cogerentur, tamquam referret.
(코르넬리우스 타키투스, 연대기, 6권, 2장1)
libertis quoque ac ianitoribus eius notescere pro magnifico accipiebatur.
(코르넬리우스 타키투스, 연대기, 6권, 8장18)
Hinc inopia rei nummariae, commoto simul omnium aere alieno, et quia tot damnatis bonisque eorum divenditis signatum argentum fisco vel aerario attinebatur.
(코르넬리우스 타키투스, 연대기, 6권, 17장1)
Quoties super tali negotio consultaret, edita domus parte ac liberti unius conscientia utebatur.
(코르넬리우스 타키투스, 연대기, 6권, 21장1)
adstitisse tot per annos, qui vultum, gemitus, occultum etiam murmur exciperent, et potuisse avum audire, legere, in publicum promere vix fides, nisi quod Attii centurionis et Didymi liberti epistulae servorum nomina praeferebant, ut quis egredientem cubiculo Drusum pulsaverat, exterruerat.
(코르넬리우스 타키투스, 연대기, 6권, 24장2)
eo metu Fulcinius Trio ingruentis accusatores haud perpessus supremis tabulis multa et atrocia in Macronem ac praecipuos libertorum Caesaris composuit, ipsi fluxam senio mentem et continuo abscessu velut exilium obiectando.
(코르넬리우스 타키투스, 연대기, 6권, 38장3)
postremo, velut translata iam fortuna, servi liberti paratus principis apud adulterum visebantur.
(코르넬리우스 타키투스, 연대기, LIBER XI, 12장7)
ergo Narcissus, adsumptis quibus idem metus, non aliam spem incolumitatis Caesaris adfirmat quam si ius militum uno illo die in aliquem libertorum transferret, seque offert suscepturum.
(코르넬리우스 타키투스, 연대기, LIBER XI, 33장3)
omnia liberto oboediebant.
(코르넬리우스 타키투스, 연대기, LIBER XI, 35장2)
commotum his et pronum ad misericordiam Caesarem perpulere liberti ne tot inlustribus viris interfectis histrioni consuleretur:
(코르넬리우스 타키투스, 연대기, LIBER XI, 36장4)

SEARCH

MENU NAVIGATION