도구

도구

라틴어 문장 검색

quod saltu iniquo, loco alieno cum adortus nos hostis esset, duae simul acies primi et novissimi agminis haerentem ad impedimenta nostra exercitum barbarorum circumvenerunt, quod multa milia illo ipso die, plura multo post dies paucos ceciderunt et ceperunt, hoc, si ipsi tacuerint, vos scituros, cum testis orationis meae totus exercitus sit, non credunt?
(티투스 리비우스, 로마 건국사, Liber XXXVIII 627:1)
celebratior is prope dies favore hominum et aestimatione vera magnitudinis eius fuit quam quo triumphans de Syphace rege et Carthaginiensibus urbem est invectus.
(티투스 리비우스, 로마 건국사, Liber XXXVIII 657:1)
multos eo die priusquam in urbem inveheretur in circo Flaminio tribunos praefectos equites centuriones, Romanos sociosque, donis militaribus donavit.
(티투스 리비우스, 로마 건국사, Liber XXXIX 60:1)
luxuriae enim peregrinae origo ab exercitu Asiatico invecta in urbem est.
(티투스 리비우스, 로마 건국사, Liber XXXIX 68:1)
graecus ignobilis in Etruriam primum venit nulla cum arte earum, quas multas ad animorum corporumque cultum nobis eruditissima omnium gens invexit, sacrificulus et vates;
(티투스 리비우스, 로마 건국사, Liber XXXIX 85:2)
dum penitus in abditos saltus, quae latebrae receptaculaque illis semper fuerant, persequitur, in praeoccupatis angustiis loco iniquo est circumventus.
(티투스 리비우스, 로마 건국사, Liber XXXIX 213:1)
sin autem, quod circumventis in solitudine natura ipsa subicit, ut hominum quos numquam viderint fidem tamen implorent, mihi quoque ferrum in me strictum cernenti vocem mittere licet, per te patriumque nomen, quod utri nostrum sanctius sit iam pridem sentis, ita me audias precor, tamquam si voce et comploratione nocturna excitus mihi quiritanti intervenisses, Demetrium cum armatis nocte intempesta in vestibulo meo deprehendisses.
(티투스 리비우스, 로마 건국사, Liber XL 103:1)
circumventum solum inopem invidia gratiae externae, quae obest potius quam prodest, onerat.
(티투스 리비우스, 로마 건국사, Liber XL 141:1)
Liguribus adeo improvisa res fuit ut perinde ac si insidiis circumventi forent trepidarent.
(티투스 리비우스, 로마 건국사, Liber XL 331:1)
sparsi enim toto passim campo se diffuderunt, nec usquam confertos eos hostis circumvenit.
(티투스 리비우스, 로마 건국사, Liber XL 389:1)
invehebant se hostes, et in partibus extremis iam pugnabatur.
(티투스 리비우스, 로마 건국사, Liber XL 467:4)
qui cum extra urbem triumphi causa esset, consul est creatus cum L. Manlio Acidino, et post paucos dies cum militibus quos secum deduxerat triumphans urbem est invectus.
(티투스 리비우스, 로마 건국사, Liber XL 515:2)
senatuque extemplo ad aedem Bellonae vocato, multis verbis invectus in praetorem qui, cum ob rem bello bene gestam uti diis immortalibus honos haberetur referre ad senatum debuisset, adversus se pro hostibus senatus consultum fecisset, quo victoriam suam ad Ligures transferret dedique iis prope consulem praetor iuberet:
(티투스 리비우스, 로마 건국사, Liber XLII 88:2)
quod cum non contigisset, libertate intemperanti invectus in regem, quod Lyciorum gentem adversus Rhodios concitasset graviorque Asiae esset quam Antiochus fuisset, popularem quidem neque Asiae ingratam populis - nam eo quoque iam favor Persei venerat - orationem habuit, ceterum invisam senatui inutilemque sibi et civitati suae.
(티투스 리비우스, 로마 건국사, Liber XLII 153:1)
in mediam invectus aciem, Graecos primo impetu avertit;
(티투스 리비우스, 로마 건국사, Liber XLII 644:2)

LOGIN

로그인

회원가입

SEARCH

MENU NAVIGATION