도구

도구

라틴어 문장 검색

Pari autem [cupiditate] ex celeri festinatione circumm[un]itiones iugo derigunt, ut aequo pede cum adversariis congredi possent.
(카이사르, 히스파니아 전기 38:14)
reliqua pari diligentia administrat.
(카이사르, 알렉산드리아 전기 4:5)
quibus relictis nec loco nec numero pares esse posse.
(카이사르, 알렉산드리아 전기 8:7)
Minime autem par erat proeli certamen.
(카이사르, 알렉산드리아 전기 16:1)
Qui se in aequo loco ac plano pares esse confidebant, idem perterriti fuga suorum et caede paucorum XXX pedum altitudine in aedificiis consistere ausi non sunt seque per molem in mare praecipitaverunt et DCCC passuum intervallum ad oppidum enataverunt.
(카이사르, 알렉산드리아 전기 18:4)
Quae res incendit dolore milites equitesque nostros, quod tam diu pari proelio cum Alexandrinis certaretur.
(카이사르, 알렉산드리아 전기 29:4)
Vatinius cum animum adverteret neque navium se magnitudine neque numero parem esse fortuitae dimicationi, fortunae rem committere maluit.
(카이사르, 알렉산드리아 전기 46:1)
Longius progressus, cum agger altiore aqua contineri non posset, rates duplices quoquoversus pedum XXX e regione molis collocabat.
(카이사르, 내란기, 1권 25:7)
His perfectis collocatisque alias deinceps pari magnitudine rates iungebat.
(카이사르, 내란기, 1권 25:9)
Vibulli Rufi, quem a Pompeio missum in Hispaniam demonstratum est, Afranius et Petreius et Varro, legati Pompei, quorum unus Hispaniam citeriorem tribus legionibus, alter ulteriorem a saltu Castulonensi ad Anam duabus legionibus, tertius ab Ana Vettonum agrum Lusitaniamque pari numero legionum optinebat, officia inter se partiuntur, uti Petreius ex Lusitania per Vettones cum omnibus copiis ad Afranium proficiscatur, Varro cum eis, quas habebat, legionibus omnem ulteriorem Hispaniam tueatur.
(카이사르, 내란기, 1권 38:2)
Caesar legiones in Hispaniam praemiserat VI, auxilia peditum V milia, equitum III milia, quae omnibus superioribus bellis habuerat, et parem ex Gallia numerum, quam ipse pacaverat, nominatim ex omnibus civitatibus nobilissimo et fortissimo quoque evocato, huc optimi generis hominum ex Aquitanis montanisque, qui Galliam provinciam attingunt addiderat.
(카이사르, 내란기, 1권 39:2)
Ei, dum pari certamine res geri potuit, magnum hostium numerum pauci sustinuere;
(카이사르, 내란기, 1권 51:11)
Acies erat Afraniana duplex legionum V;
(카이사르, 내란기, 1권 83:1)
Quod ubi hostes viderunt, ea, quae vix longinquo spatio refici non posse sperassent, paucorum dierum opera et labore ita refecta, ut nullus perfidiae neque eruptioni locus esset nec quicquam omnino relinqueretur, qua aut telis militibus aut igni operibus noceri posset, eodemque exemplo sentiunt totam urbem, qua sit aditus ab terra, muro turribusque circumiri posse, sic ut ipsis consistendi in suis munitionibus locus non esset, cum paene inaedificata muris ab exercitu nostro moenia viderentur ac telum manu coniceretur, suorumque tormentorum usum, quibus ipsi magna speravissent, spatio propinquitatis interire parique condicione ex muro ac turribus bellandi data se virtute nostris adaequare non posse intellegunt, ad easdem deditionis condiciones recurrunt.
(카이사르, 내란기, 2권 16:1)
abesse regem, exiguas esse copias missas, quae paucis equitibus pares esse non potuerint?
(카이사르, 내란기, 2권 39:6)

LOGIN

로그인

회원가입

SEARCH

MENU NAVIGATION