도구

도구

라틴어 문장 검색

et cum in medio agmine armatorum Masinissam insignem cum armis tum cetero habitu conspexisset, regem esse, id quod erat, rata, genibus advoluta eius omnia quidem ut posses inquit in nobis di dederunt virtusque et felicitas tua;
(티투스 리비우스, 로마 건국사, Liber XXX 154:2)
quod Scipio ubi vidit, receptui propere canere hastatis iussit et sauciis in postremam aciem subductis principes triariosque in cornua inducit, quo tutior firmiorque media hastatorum acies esset.
(티투스 리비우스, 로마 건국사, Liber XXX 463:1)
deinde auxiliares ante Carthaginiensium aciem, ne homines mixti ex conluvione omnium gentium, quos non fides teneret, sed merces, liberum receptum fugae haberent, simul primum ardorem atque impetum hostium excipientes fatigarent ac, si nihil aliud, volneribus suis ferrum hostile hebetarent;
(티투스 리비우스, 로마 건국사, Liber XXX 473:1)
tanta enim rabies multitudinem invasit ut repente, proditos rati, qui pugnantes mortem occubuissent periuriumque alius alii exprobantes et sacerdotibus maxime, qui, quos ad mortem devovissent, eorum deditionem vivorum hosti fecissent, repente omnes ad caedem coniugum liberorumque discurrerent seque ipsi per omnes vias leti interficerent.
(티투스 리비우스, 로마 건국사, Liber XXXI 195:1)
statuis inde regis deiectis truncatisque, signo receptui dato conscenderunt naves et Piraeum, unde profecti erant, redierunt.
(티투스 리비우스, 로마 건국사, Liber XXXI 252:1)
plurimos manu sua comminus eminusque vulneratos compulsosque in portam consecutus et ipse, cum maiorem in angustiis trepidantium edidisset caedem, in temerario incepto tutum tamen receptum habuit, quia qui in turribus portae erant sustinebant tela, ne in permixtos suos conicerent.
(티투스 리비우스, 로마 건국사, Liber XXXI 270:1)
intra muros deinde tenentibus milites Atheniensibus Philippus signo receptui dato castra ad Cynosarges - templum Herculis gymnasiumque et lucus erat circumiectus - posuit.
(티투스 리비우스, 로마 건국사, Liber XXXI 272:1)
cum legibus cautum esset nec de pace belloque nisi in Panaetolico et Pylaico concilio ageretur, decernerent extemplo ut praetor sine fraude, cum de bello et pace agere velit, advocet concilium, et quod tum referatur decernaturque ut perinde ius ratumque sit ac si in Panaetolico aut Pylaico concilio actum esset.
(티투스 리비우스, 로마 건국사, Liber XXXI 369:2)
Philippus iam suis vallo appropinquantibus receptui cani iussit;
(티투스 리비우스, 로마 건국사, Liber XXXI 481:1)
postquam multis vulneratis interfectisque recepere se regii in loca aut munimento aut natura tuta, verterat periculum in Romanos temere in loca iniqua nec faciles ad receptum angustias progressos.
(티투스 리비우스, 로마 건국사, Liber XXXII 135:1)
nam Macedones, qui in praesidio erant et multi et delecti, gloriam etiam egregiam rati, si armis potius et virtute quam moenibus urbem tuerentur, conferti, pluribus introrsus ordinibus acie firmata, cum transcendere ruinas sensissent Romanos, per impeditum ac difficilem ad receptum locum expulerunt.
(티투스 리비우스, 로마 건국사, Liber XXXII 203:1)
optimum igitur ratus est, priusquam eam rem adgrederentur, legatos ad gentem Achaeorum mitti pollicentes, si ab rege ad Romanos defecissent, Corinthum contributuros in antiquum gentis concilium.
(티투스 리비우스, 로마 건국사, Liber XXXII 228:1)
cum Romanis, quia iniussu populi non poterat rata esse, in id tempus quo Romam mitti legati possent, dilata est;
(티투스 리비우스, 로마 건국사, Liber XXXII 299:1)
nam neque sine auctoritate senatus ratum quicquam eorum fore, quae cum rege ipsi pepigissent, et explorari, dum bello necessariam quietem ipsa hiems daret, senatus auctoritatem posse.
(티투스 리비우스, 로마 건국사, Liber XXXII 471:1)
deinde, ut adpropinquabat hostis, et praeterquam quod caedebantur aversi nec, nisi defenderentur, servari poterant, ne ipsi quidem in tuto iam receptus erat, coactus nondum adsecuta parte suorum periculum summae rerum facere.
(티투스 리비우스, 로마 건국사, Liber XXXIII 91:1)

LOGIN

로그인

회원가입

SEARCH

MENU NAVIGATION