도구

도구

라틴어 문장 검색

ita prorsus respondet facturum Romanus, nec pro transfugis habiturum qui non duxerint societatem ratam ubi nec divini quicquam nec humani sanctum esset.
(티투스 리비우스, 로마 건국사, Liber XXVII 280:1)
sustulerant enim animos Aetoli cum ab Romana societate tum post Attali adventum, finitimosque depopulabantur.
(티투스 리비우스, 로마 건국사, Liber XXVIII 57:1)
inde conlaudata fide ac virtute, quod neque timor nec spes flexisset eorum animos, hortatusque in posterum ut eadem constantia permanerent in societate, si suam quam Oritanorum atque Opuntiorum fortunam mallent, ab Chalcide Oreum navigat, principumque iis qui fugere capta urbe quam se Romanis tradere maluerant summa rerum et custodia urbis permissa, ipse Demetriadem ab Euboea, unde primum ad opem ferendam sociis profectus erat, traiecit.
(티투스 리비우스, 로마 건국사, Liber XXVIII 117:1)
non enim eos neque natos in eadem terra nec ulla secum -societate iunctos esse;
(티투스 리비우스, 로마 건국사, Liber XXVIII 472:1)
igitur Poenus Savone, oppido Alpino, praeda deposita et decem longis navibus in statione ad praesidium relictis, ceteris Carthaginem missis ad tuendam maritumam oram, quia fama erat Scipionem traiecturum, ipse societate cum Ingaunis, quorum gratiam malebat, composita Montanos instituit oppugnare.
(티투스 리비우스, 로마 건국사, Liber XXVIII 717:1)
ita respiratum, mittique legationes ad Syphacem aliosque regulos firmandae societatis causa coeptae.
(티투스 리비우스, 로마 건국사, Book XXIX권 66:1)
latrociniis magis quam iusto bello in Bruttiis gerebantur res, principio ab Numidis facto et Bruttiis non societate magis Punica quam suopte ingenio congruentibus in eum morem;
(티투스 리비우스, 로마 건국사, Book XXIX권 84:2)
dum haec apud Romanos geruntur, Carthaginienses quoque, cum speculis per omnia promunturia positis percunctantes paventesque ad singulos nuntios sollicitam hiemem egissent, haud parvum et ipsi tuendae Africae momentum adiecerunt societatem Syphacis regis, cuius maxime fiducia traiecturum in Africam crediderant.
(티투스 리비우스, 로마 건국사, Book XXIX권 320:1)
et inter aliam gratulationem, ut publicum quoque foedus privato adiceretur, societas inter populum Carthaginiensem regemque, data ultro citroque fide eosdem amicos inimicosque habituros, iure iurando adfirmatur.
(티투스 리비우스, 로마 건국사, Book XXIX권 324:1)
ceterum Hasdrubal, memor et cum Scipione initae regi societatis et quam vana et mutabilia barbarorum ingenia essent,
(티투스 리비우스, 로마 건국사, Book XXIX권 324:2)
se et nuptiis civis Carthaginiensis, filiae Hasdrubalis quem viderit apud se in hospitio, et publico etiam foedere cum populo Carthaginiensi iunctum optare primum ut procul ab Africa, sicut adhuc fecerint, bellum Romani cum Carthaginiensibus gerant, ne sibi interesse certaminibus eorum armaque aut haec aut illa, abnuentem alteram societatem, sequi necesse sit;
(티투스 리비우스, 로마 건국사, Book XXIX권 327:1)
Scipio quamquam magno momento rerum in Africa gerendarum magnaque spe destitutus erat, legatis propere, priusquam res volgaretur, remissis in Africam litteras dat ad regem, quibus etiam atque etiam monet eum ne iura hospitii secum neu cum populo Romano initae societatis neu fas, fidem, dexteras, deos testes atque arbitros conventorum fallat.
(티투스 리비우스, 로마 건국사, Book XXIX권 332:1)
Carthaginiensem nobilem feminam, sororis filiam Hannibalis, quae proxime Oezalci regi nupta fuerat, matrimonio sibi iungit spe Carthaginiensium societatis, et cum Syphace hospitium vetustum legatis missis renovat, omnia ea auxilia praeparans adversus Masinissam.
(티투스 리비우스, 로마 건국사, Book XXIX권 407:1)
nam cum Scipio quid sibi voluisset quaereret qui non societatem solum abnuisset Romanam, sed ultro bellum intulisset, tum ille peccasse quidem sese atque insanisse fatebatur, sed non tum demum cum arma adversus populum Romanum cepisset;
(티투스 리비우스, 로마 건국사, Liber XXX 175:2)
et consules duas urbanas legiones scribere iussi, quae, si quo res posceret, multis in Italia contactis gentibus Punici belli societate iraque inde tumentibus, mitterentur.
(티투스 리비우스, 로마 건국사, Liber XXXI 83:1)

LOGIN

로그인

회원가입

SEARCH

MENU NAVIGATION