도구

도구

라틴어 문장 검색

causa seditionum nequiquam a Poetelio quaesita, qui tribunus plebis iterum ea ipsa denuntiando factus neque ut de agris dividendis plebi referrent consules ad senatum pervincere potuit, et cum magno certamine obtinuisset ut consulerentur patres, consulum an tribunorum placeret comitia haberi, consules creari iussi sunt;
(티투스 리비우스, 로마 건국사, Liber IV 130:1)
pervicerunt igitur ut tribunorum militum potius quam consulum comitia haberentur, haud dubii quin sex locis - tot enim iam creari licebat - et plebeii aliqui profitendo se ultores fore Maelianae caedis, crearentur.
(티투스 리비우스, 로마 건국사, Liber IV 177:1)
pervicere tribuni, denuntiando impedituros se dilectum, ut Quinctius consul de bello ad populum ferret.
(티투스 리비우스, 로마 건국사, Liber IV 332:2)
nequiquam enim temptati ut tum denique desisterent impediendo bello, postquam non cessere nec publicae tempestati nec suae invidiae, pervincunt ut senatus consultum fiat de tribunis militum creandis, certo tamen pacto ne cuius ratio haberetur qui eo anno tribunus plebis esset, neve quis reficeretur in annum tribunus plebis,
(티투스 리비우스, 로마 건국사, Liber IV 605:2)
postquam ipsa virtus pervicerit ne in ullo genere hominum inhonorata esset, quaeri quemadmodum inrita sint non suffragia modo populi sed arbitria etiam fortunae et in paucorum potestatem vertantur.
(티투스 리비우스, 로마 건국사, Liber X 329:1)
Q. Fabius Maximus dictator iterum quo die magistratum iniit vocato senatu, ab dis orsus cum edocuisset patres plus neglegentia caerimoniarum auspiciorumque quam temeritate atque inscitia peccatum a C. Flaminio consule esse, quaeque piacula irae deum essent ipsos deos consulendos esse, pervicit ut, quod non ferme decernitur, nisi cum taetra prodigia nuntiata sunt, decemviri libros Sibyllinos adire iuberentur.
(티투스 리비우스, 로마 건국사, Libri XXII 109:1)
horum parentes cognatique aegre pervicerunt ut legati ad consulem Romanum mitterentur.
(티투스 리비우스, 로마 건국사, Liber XXIII 48:1)
lacrimantem inde iuvenem cernens medium conplectitur atque osculo haerens non ante precibus abstitit quam pervicit ut gladium poneret fidemque daret nihil facturum tale.
(티투스 리비우스, 로마 건국사, Liber XXIII 106:1)
nec Blattius ante abstitit tam audaci incepto quam idem obtundendo, docendoque quam ea res ipsis patriaeque salutaris esset, pervicit ut praesidium Punicum - quingenti autem Numidae erant - Salapiaque traderetur Marcello.
(티투스 리비우스, 로마 건국사, Liber XXVI 531:2)
instando stimulandoque pervincit ut exercitum ad fines Maesuliorum admoveat atque in agro de quo saepe cum Gala non verbis modo disceptatum, sed etiam armis certatum fuerat, tamquam haud dubie iuris sui, castra locet.
(티투스 리비우스, 로마 건국사, Book XXIX권 427:2)
is diu obtestatus filium ut consulere Achaeos communi saluti pateretur neu pertinacia sua gentem universam perditum iret, postquam parum proficiebant preces, iuratus se eum sua manu interempturum nec pro filio sed pro hoste habiturum minis pervicit,
(티투스 리비우스, 로마 건국사, Liber XXXII 290:1)
his orationibus pervicerunt ut consules in senatus auctoritate fore dicerent se, si idem tribuni plebis facerent.
(티투스 리비우스, 로마 건국사, Liber XXXII 368:1)
sed duo principes et magistratus pervicerunt ut privatum decretum Romanae societatis fieret.
(티투스 리비우스, 로마 건국사, Liber XXXIII 191:3)
tandem pervicerunt ut legati Carthaginem mitterentur, qui ad senatum eorum arguerent Hannibalem cum Antiocho rege consilia belli faciendi inire.
(티투스 리비우스, 로마 건국사, Liber XXXIII 564:1)
Thoas deinde ceterique factionis eiusdem cum adsensu omnium auditi pervicerunt ut ne dilato quidem concilio et absentibus Romanis decretum fieret, quo accerseretur Antiochus ad liberandam Graeciam disceptandumque inter Aetolos et Romanos.
(티투스 리비우스, 로마 건국사, Liber XXXV 391:1)

LOGIN

로그인

회원가입

SEARCH

MENU NAVIGATION