도구

도구

라틴어 문장 검색

Et (quod indignitati rerum est assignandum) periclitanti Caesari distulit suppetias ferre Marcellus, magister equitum agens in stationibus proximis, cum etiam si civitas absque principe vexaretur, opposita multitudine malis obsidionalibus expediri deberet.
(암미아누스 마르켈리누스, 사건 연대기, Liber XVI, 4장 3:1)
Diebus vero quae ornate dixerit et facete, quaeve in apparatu vel in ipsis egerit congressibus proeliorum, aut in re civili magnanimitate correxit et libertate, suo quaeque loco singulatim demonstrabuntur.
(암미아누스 마르켈리누스, 사건 연대기, Liber XVI, 5장 9:1)
Cum inducti essent iussu eius quadam sollemnitate agentes in rebus in consistorium, ut aurum acciperent inter alios, quidam ex eorum consortio, non (ut moris est) pansa chlamyde, sed utraque manu cavata suscepit.
(암미아누스 마르켈리누스, 사건 연대기, Liber XVI, 5장 11:1)
Et imperator rapere inquit non accipere sciunt agentes in rebus.
(암미아누스 마르켈리누스, 사건 연대기, Liber XVI, 5장 11:2)
et reversus, quid egerint singuli quaerens, delictorum vindictas genuina lenitudine mitigabat.
(암미아누스 마르켈리누스, 사건 연대기, Liber XVI, 5장 13:2)
Utque bestiae custodum neglegentia raptu vivere solitae, ne his quidem remotis, appositisque fortioribus abscesserunt, sed tumescentes inedia, sine respectu salutis, armenta vel greges incursant, ita etiam illi, cunctis quae diripuere consumptis, fame urgente, agebant aliquotiens praedas, interdum antequam contingerent aliquid, oppetebant.
(암미아누스 마르켈리누스, 사건 연대기, Liber XVI, 5장 17:1)
Haec per eum annum spe dubia eventu tamen secundo per Gallias agebantur.
(암미아누스 마르켈리누스, 사건 연대기, Liber XVI, 6장 1:1)
hanc incertum unde notam Rufinus subsedit, - quo indicante quaedam cognita per Gaudentium, agentem in rebus, consularem Pannoniae tunc Africanum, cum convivis rettulimus interfectum - apparitionis praefecturae praetorianae tum etiam princeps ob devotionem.
(암미아누스 마르켈리누스, 사건 연대기, Liber XVI, 8장 3:2)
Malignitate simili quidam agens in rebus in Hispania ad cenam itidem invitatus, cum inferentes vespertina lumina pueros exclamasse audisset ex usu vincamus, verbum sollemne interpretatum atrociter delevit nobilem domum.
(암미아누스 마르켈리누스, 사건 연대기, Liber XVI, 8장 9:1)
Agitur de pace cum Persis.
(암미아누스 마르켈리누스, 사건 연대기, Liber XVI, 9장1)
Dumque ad Chionitas et Eusenos haec scripta mittuntur, in quorum confiniis agebat hiemem Sapor, tempus interstitit longum.
(암미아누스 마르켈리누스, 사건 연대기, Liber XVI, 9장 4:2)
Nec enim gentem ullam bella cientem per se superavit, aut victam fortitudine suorum comperit ducum, vel addidit quaedam imperio, aut usquam in necessitatibus summis primus vel inter primos est visus, sed ut pompam nimis extentam, rigentiaque auro vexilla, et pulcritudinem stipatorum ostenderet agenti tranquillius populo, haec vel simile quicquam videre nec speranti umquam nec optanti.
(암미아누스 마르켈리누스, 사건 연대기, Liber XVI, 10장 2:1)
Multis igitur cum stupore visis horrendo, imperator de fama querebatur, ut invalida vel maligna, quod augens omnia semper in maius, erga haec explicanda quae Romae sunt obsolescit, deliberansque diu quid ibi ageret, urbis addere statuit ornamentis, ut in maximo circo erigeret obeliscum, cuius originem formamque loco competenti monstrabo.
(암미아누스 마르켈리누스, 사건 연대기, Liber XVI, 10장 17:1)
quae si dederit quisquam commode posse transiri, ruentibus hostium examinibus post otium cibique refectionem et potus, quid nos agamus?
(암미아누스 마르켈리누스, 사건 연대기, Liber XVI, 12장 11:2)
Norant enim licet prudentem ex equo bellatorem cum clibanario nostro congressum, frena retinentem et scutum, hasta una manu vibrata, tegminibus ferreis abscondito bellatori nocere non posse, peditem vero inter ipsos discriminum vertices, cum nihil caveri solet praeter id quod occurrit, humiliter et occulte reptantem, latere forato iumenti, incautum rectorem praecipitem agere, levi negotio trucidandum.
(암미아누스 마르켈리누스, 사건 연대기, Liber XVI, 12장 22:1)

LOGIN

로그인

회원가입

SEARCH

MENU NAVIGATION