도구

도구

라틴어 문장 검색

coactis deinde propter fame Romanis eo descendere ut M. pondo auri darent et hoc pretio fine obsidionis emerent, Furius Camillus dictator absens creatus inter ipsum conloquium quo de pacis condicionibus agebatur cum exercitu venit et Gallos post sextum mensem urbe expulit ceciditque.
(티투스 리비우스, 로마 건국사, Libri V Periocha14)
longe plurimos captivos ex Etruscis ante currum duxit, quibus sub hasta venumdatis tantum aeris redactum est ut, pretio pro auro matronis persoluto, ex eo quod supererat tres paterae aureae factae sint, quas cum titulo nominis Camilli ante Capitolium incensum in Iovis cella constat ante pedes Iunonis positas fuisse.
(티투스 리비우스, 로마 건국사, Liber VI 38:1)
tarda enim nomina et impeditiora inertia debitorum quam facultatibus aut aerarium mensis cum aere in foro positis dissolvit, ut populo prius caveretur, aut aestimatio aequis rerum pretiis liberavit, ut non modo sine iniuria sed etiam sine querimoniis partis utriusque exhausta vis ingens aeris alieni sit.
(티투스 리비우스, 로마 건국사, Liber VII 216:1)
haec consilia cum apud cupidos rerum novandarum valuissent, ex iuventute quidam Lucanorum pretio adsciti, clari magis inter populares quam honesti, inter se mulcati ipsi virgis, cum corpora nuda intulissent in civium coetum, vociferati sunt se, quod castra Romana ingredi ausi essent, a consulibus virgis caesos ac prope securi percussos esse.
(티투스 리비우스, 로마 건국사, Liber VIII 384:1)
insequenti anno, Q. Fabio L. Fulvio consulibus, A. Cornelius Arvina dictator et M. Fabius Ambustus magister equitum metu gravioris in Samnio belli - conducta enim pretio a finitimis iuventus dicebatur - intentiore dilectu habito egregium exercitum adversus Samnites duxerunt.
(티투스 리비우스, 로마 건국사, Liber VIII 534:1)
et per eos forte dies ex Etruria allatum erat post deductum inde Volumnianum exercitum Etruriam concitam in arma, et Gellium Egnatium, Samnitium ducem, et Umbros ad defectionem vocari et Gallos pretio ingenti sollicitari.
(티투스 리비우스, 로마 건국사, Liber X 282:1)
captivi sine pretio remissi sunt.
(티투스 리비우스, 로마 건국사, Libri XIII Periocha5)
quamquam pleraque ab dominis de industria corrupta erant et in caedibus vix ullum discrimen aetatis ira fecerat et captivi militum praeda fuerant, tamen et ex pretio rerum venditarum aliquantum pecuniae redactam esse constat et multam pretiosam supellectilem vestemque missam Carthaginem.
(티투스 리비우스, 로마 건국사, Book XXI권 142:2)
Hannibal ceteris metu aut pretio pacatis iam in Volcarum pervenerat agrum, gentis validae.
(티투스 리비우스, 로마 건국사, Book XXI권 260:1)
si Siciliam tantum ac Sardiniam parentibus nostris ereptas nostra virtute reciperaturi essemus, satis tamen ampla pretia essent;
(티투스 리비우스, 로마 건국사, Book XXI권 447:1)
tempus est iam opulenta vos ac ditia stipendia facere et magna operae pretia mereri tantum itineris per tot montes fluminaque et tot armatas gentes emensos.
(티투스 리비우스, 로마 건국사, Book XXI권 450:1)
ibi dum perscrutantes loca omnia castrorum nullo satis digno morae pretio tempus terunt, emissus hostis est de manibus et cum iam transgressos Trebiam Romanos metantesque castra conspexissent, paucos moratorum occiderunt citra flumen interceptos.
(티투스 리비우스, 로마 건국사, Book XXI권 506:1)
nec sane magno pretio, nummis aureis quadringentis, Dasio Brundisino, praefecto praesidii, corrupto traditur Hannibali Clastidium.
(티투스 리비우스, 로마 건국사, Book XXI권 509:2)
ceterum praeda oppidi parvi pretii rerum fuit, supellex barbarica ac vilium mancipiorum;
(티투스 리비우스, 로마 건국사, Book XXI권 644:1)
Hannibal captivorum qui Latini nominis essent sine pretio dimissis, Romanis in vincula datis, ex hostium coacervatorum cumulis corpora suorum cum sepeliri iussisset, Flamini quoque corpus funeris causa magna cum cura inquisitum non invenit.
(티투스 리비우스, 로마 건국사, Libri XXII 84:1)

LOGIN

로그인

회원가입

SEARCH

MENU NAVIGATION