도구

도구

라틴어 문장 검색

Caesar praeda militibus concessa aedificia diripi iussit castellumque ad pontem, qui propior erat Pharo, communivit atque ibi praesidium posuit.
(카이사르, 알렉산드리아 전기 19:1)
Perfecit inceptum castrorum opus Domitius parte copiarum pro vallo constituta.
(카이사르, 알렉산드리아 전기 37:8)
Non tantum indutiis factis sed prope iam [pace] constituta opera [cum] complanarent custodiaeque munitionum essent deductae, auxilia regis in id castellum Marcelli quod proximum erat regis castris, neque opinantibus omnibus — si tamen in omnibus fuit Cassius:
(카이사르, 알렉산드리아 전기 63:8)
Ibi rebus omnibus provinciae et finitimarum civitatium constitutis cupiditate proficiscendi ad bellum gerendum non diutius moratur, magnisque itineribus per Cappadociam confectis biduum Mazacae commoratus Comana venit, vetustissimum et sanctissimum in Cappadocia Bellonae templum, quod tanta religione colitur ut sacerdos eius deae maiestate, imperio, potentia secundus a rege consensu gentis illius habeatur.
(카이사르, 알렉산드리아 전기 66:4)
His rebus constitutis equites auxiliaque toti Lusitaniae a Petreio, Celtiberiae, Cantabris barbarisque omnibus, qui ad Oceanum pertinent, ab Afranio imperantur.
(카이사르, 내란기, 1권 38:3)
Prima et secunda acies in armis, ut ab initio constituta erat, permanebat;
(카이사르, 내란기, 1권 41:7)
Tertio die Caesar vallo castra communit;
(카이사르, 내란기, 1권 42:5)
Hunc celeriter, priusquam ab adversariis sentiatur, communit.
(카이사르, 내란기, 1권 54:5)
reliquas legiones expeditas educit magnoque numero iumentorum in flumine supra atque infra constituto traducit exercitum.
(카이사르, 내란기, 1권 64:8)
Caesar praesidiis montibus dispositis omni ad Hiberum intercluso itinere quam proxime potest hostium castris castra communit.
(카이사르, 내란기, 1권 72:12)
Ubi Caesaris castra posita tabernaculaque constituta et dimissos equites pabulandi causa animum adverterunt, sese subito proripiunt hora circiter sexta eiusdem diei et spem nacti morae discessu nostrorum equitum iter facere incipiunt.
(카이사르, 내란기, 1권 80:4)
His constitutis rebus probatisque consiliis ex perfugis quibusdam oppidanis audit Iubam revocatum finitimo bello et controversiis Leptitanorum restitisse in regno, Saburram, eius praefectum, cum mediocribus copiis missum Uticae appropinquare.
(카이사르, 내란기, 2권 38:1)
Certaque eius rei die constituta cum in fanum ventum esset adhibitis compluribus ordinis senatorii, quos advocaverat Scipio, litterae ei redduntur a Pompeio, mare transisse cum legionibus Caesarem:
(카이사르, 내란기, 3권 33:2)
Pompeius interclusus Dyrrachio, ubi propositum tenere non potuit, secundo usus consilio edito loco, qui appellatur Petra aditumque habet navibus mediocrem atque eas a quibusdam protegit ventis, castra communit.
(카이사르, 내란기, 3권 42:1)
Hos primum praesidiis tenuit castellaque ibi communit.
(카이사르, 내란기, 3권 43:3)

LOGIN

로그인

회원가입

SEARCH

MENU NAVIGATION