M. Tullius Cicero, Letters to Atticus, LIBER QVINTVS DECIMVS AD ATTICVM,
letter 23

Scr.? in Tusculano viW aut vii K. Quint a. 710 (44). CICERO ATTICO SAL.

mirifice torqueor, sine dolore tamen; sed permulta mihi de nostro itinere in utramque partem occurrunt. quousque? inquies. quoad erit integrum; erit autem usque dum ad navem. Pansa si tuae rescripserit, et meam tibi et illius epistulam mittam. Silium exspectabam; cui hypomnema compositum, si quid novi. ego litteras misi ad Brutum. cuius de itinere etiam ex te velim si quid scies cognoscere.?