M. Tullius Cicero, Letters to Atticus, LIBER SEXTVS DECIMVS AD ATTICVM,
letter 12

Scr.? in Puteolano vht Id. Nov. a. 710 (44). CICERO ATTICO SAL.

Oppi epistulae, quia perhumana erat, tibi misi exemplum. de Ocella, dum tu muginaris nec mihi quicquam rescribis, cepi consilium domesticum itaque me pr. Idus arbitror Romae futurum. commodius est visum frustra me istic t esse, cum id non necesse esset, quam, si opus esset, non adesse, et simul ne intercluderer metuebam. ille enim iam adventare potest. etsi varii rumores multique quos cuperem veros, nihil tamen certi. ego vero, quicquid est, tecum potius quam animi pendeam, cum a te absim, et de te et de me. sed quid tibi dicam? bonum animum. de *̔ηρακλειδείωͺ Varronis negotia salsa. me quidem nihil umquam sic delectavit. sed haec et alia maiora coram.?