Dissertatio medica inauguralis, de scarlatina cynanchica ...

61쪽

scopo optime satisfaciunt. Complures eorum, qui sub titulo antisepticorum prodeunt, veluti camphora, aceto soluta, tinctura myrrhae, aloes, &c. usurpantur ; sed adeo ingrati sunt, ut aegrotos faciant talia remedia prorsus fastidire. Repetitam gargarismorum per syringem in

fauces injectionem, cel. Pringle et Fothergili maximi fecerunt, et pleno collaudarunt ore '. Aer fixus, variis modis exhibitus, laudibus est ornatus ; sed quomodo profuit, ignoro. Fallax experientia fuerit, quoniam semper validiora cum eo simul usurpantur remedia. QuanqUam viantiseptica pollere inveniatur, et idcirco in hoc morbo ad putredinem arcendam in pulmones trahatur, nonne tamen aer ita saturatus receptioni similis materiae a Pulmonibus impar fit Si inopinata epistaxis superveniat, aeger in situ erecto teneri debet, turundae aceto frigido madefactae in nares trudendae sunt, et nonnulli ad usum opii simul hortantUr.